Секој мировен предлог за Украина мора да прифати дека четирите припоени региони сега се дел од руската територија
Секој мировен предлог за ставање крај на војната во Украина ќе мора да ја прифати „новата реалност“, според која четири украински региони „се припоија“ кон Русија, порача Кремљ.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
„Ниту еден мировен план за Украина не може да постои доколку не се земе предвид припојувањето на четири нови региони во Руската Федерација“, изјави денеска за новинарите портпаролот на рускиот претседател – Дмитриј Песков.
„Засега нема ‘мировен план’ за Украина, да почнеме со ова“, рече Песков на новинарско прашање, коментирајќи ја иницијативата на украинскиот претседател Володимир Зеленски за подготовка на „мировен план“ до февруари, кога тој би сакал да одржи мировен самит, со посредство на ОН.
„Предлозите на Москва за решавање на проблемите во Украина му се добро познати на Киев – и Украина или ќе ги исполни, за свое добро, или руската армија ќе одлучи за тоа“, изјави вчера рускиот министер за надворешни работи Сергеј Лавров.
„Нашите предлози за демилитаризација и денацификација на териториите контролирани од режимот, отстранување на заканите за безбедноста на Русија кои доаѓаат од таму, вклучително и нашите нови територии, му се добро познати на непријателот. Значењето е едноставно. Исполнете ги условите за свое добро. Во спротивно, за тие прашања ќе одлучува руската армија“, изјави синоќа Лавров.
