Истрага против приврзаници на ПКК поради напад врз Турци во Германија

По демонстрациите во Дортмунд, на кои присуствувале 320 приврзаници на ПКК, 20 до 25 лица влегле во расправија со луѓето од околината, а интервенцијата на полицијата спречила понатамошно ескалирање на ситуацијата

Започната е истрага против приврзаници на терористичката организација ПКК, бидејќи по завршувањето на протестот што се одржа во Дортмунд синоќа, почнале да беснеат и да ги напаѓаат Турците од околината.

Во полициското соопштение се наведува дека по демонстрациите на кои присуствувале 320 приврзаници на ПКК, 20 до 25 лица од групата влегле во вербална расправија со луѓето од околината, а интервенцијата на полицијата спречила понатамошно ескалирање на ситуацијата.

Соопштувајќи дека сликите на социјалните мрежи ѝ се познати на службата за државна безбедност и се користени во истрагата, полицијата од Дортмунд информира дека е започната истрага поради нарушување на мирот и прибегнување кон физичко насилство, повикувајќи ги очевидците да им се обратат.

На социјалните мрежи објавени се видеоматеријали како една група приврзаници на ПКК дивеат и напаѓаат едно или повеќе луѓе со дршки од знамиња што ги држеле во рацете.