Воут Фаес со урнебесни автоголови му донесе победа на Ливерпул (ВИДЕО)
Белгискиот дефанзивец Воут Фаес е пацер на годината на крајот од оваа 2022, откако вечерва со два спектакуларно урнебесни автоголови му овозможи на Ливерпул со пресврт да го победи неговиот Лестер во новото премиерлигашко коло на Островот (2-1).
Фаес во 38-та и 45-та минута си даде два автогола со што стана само четвртиот фудбалер во историјата на англиската елита кој успеал на еден меч да даде два автогола. Пред него тоа им успеало само на Џејми Карагер во 1999, Мајкл Проктер во 2003 и Џонатан Волтерс во 2013 година.
