Мицкоски: Обезбедени се 61 пратеник, сега целта е 2/3 во Собранието
Можам со задоволство да кажам дека досега имаме обезбедено точно 61 пратеник, но тоа нема да ги прекине преговорите со ВЛЕН, истакна денеска претседателот на ВМРО-ДПМНЕ, Христијан Мицкоски.
– Разговорите со ВЛЕН се водта во вистинска насока. Нашата втора цел е со нашите коалициони партнери да успееме да консолидираме 2/3 во македонскиот парламент, а потребни ни се 2/3 за да направиме сериозно реструктуирање и реекипирање во Владиниот кабинет, рече Мицкоски.
Тој додаде дека Владата треба да обезбеди услови каде бизнисот ќе биде комотен да води бизнис, а политичарите да водат политика. Како што истакна, голем дел од годишниот буџет на државата веќе е потрошен. Мицкоски не откри со која држава ќе биде владината соработка, ниту ја откри компанијата за приватната инвестиција во делот на енергетиката.
