Флоријан Вирц прогласен за најдобар фудбалер во Бундеслигата

Флоријан Вирц е прогласен за најдобар играч на Бундеслигата во тековната сезона.

Дваесет и едногодишниот фудбалер на Бајер Леверкузен, сезонава без пораз ја освои титулата со својот тим.

Германскиот фудбалски репрезентативец до ласкавата титула стигна благодарение на 11 гола и 11 асистенции остварени на 32 натпревари во тековната сезона. Три пати беше избран за играч на месецот во октомври, декември и февруари.

Наградата за најдобар дебитант ја доби Виктор Бонифациј.