Шутаров во „Тешки муабети“: Не ми се допаѓа Преспанскиот договор, но е реалност

– Во последните две години се донесоа многу тешки државнички одлуки, коишто, за жал, не беа препознаени од другите политички елити дека што покасно ги правиме тие државнички одлуки, тоа потешко ќе биде за идните генерации на политичари. Тука првенствено сметам и за Преспанскиот договор. Јас можам да искажам мој став. Дали ми се допаѓа Преспанскиот договор? Не ми се допаѓа. Дали ми се допаѓа уставното име „Северна Македонија“? Не ми се допаѓа. Но е реалност. Дали можеше да имаме подобар изход од целиот наш европски интегративен процес во овој период? Можеше, вели во гостување во „Тешки муабети“ советникот од редовите на СДСМ во Советот на Град Скопје, Гордан Шутаров.