Во првите 3 месеци од годинава Грција ја посетиле над 2,3 милиони туристи
Бројот на посетители на Грција во првите три месеци од годинава се зголемил за 24,5 отсто споредбено со истиот период лани, а земјата ја посетиле 2.332.500 туристи, согласно податоците од Банката на Грција, јави дописничката на МИА од Атина.
Во периодот јануари- март годинава, со зголемувањето на бројот на туристи, зголемени се и приходите за 28,2 отсто и изнесуваат 942 милиони евра, пораст, што, како соопштија од Банката на Грција, се должи на зголемувањето на приходите од посетителите од земјите од ЕУ за 48,2 проценти што изнесуваат 470 милиони евра, како и зголемување за 13,1 отсто од граѓани од останатите земји.
