Русија ќе нападне британски цели доколку британското оружје го употреби Украина за удар на руска територија
Москва ќе одговори со удари врз британски цели доколку Украина го искористи британското оружје за удар врз руска територија, изјави портпаролката на руското Министерство за надворешни работи, Марија Захарова.
Британски цели „на територијата на Украина и надвор од нејзините граници“ може да бидат погодени во такво сценарио, рече Захарова.
Таа го повтори предупредувањето на Москва, што беше издадено претходно овој месец, откако британскиот министер за надворешни работи Дејвид Камерон рече дека Украина има право да користи британско оружје за да напаѓа цели во Русија.
Русија реагираше со огорченост на изјавата и ја наведе како една од причините поради која одлучила да одржи вежби овој месец за симулирање на лансирање на тактичко нуклеарни ракети.
Марија Захарова изјави и дека Москва не гради воени сојузи или блокови, вклучително и со Кина.
Сподели ја веста:
