(ФОТО+ВИДЕО) Едно лице загина, а четворица се повредени

На местото на несреќата дошол и хрватскиот премиер Андреј Пленковиќ, кој посочил дека повредените се згрижени и нивните животи не се во опасност, како и дека сите патници во авионот се хрватски државјани

Мал спортски авион попладнево се урнал во шума во околина на Загреб, пренесува хрватски Индекс.

Според хрватската шумска служба за спасување, во несреќата едно лице загинало, а повредени се четворица патници. Во авионот имало пет лица.

Местото на авионската несреќа / Фото: Хрватска шумска служба за спасување

Како што известуваат хрватските медиуми, полицијата добила дојава за авионската несреќа во 15 часот и 51 минути. На повредените им била дадена медицинска помош, а местото на несреќата е обезбедено, информираат од полициската управа во Загреб.

Според неофицијални информации, се работи за спортски авион „Цесна“ со унгарски регистерски таблички.

На терен веднаш биле испратени припадници на државната интервентна единица за цивилна заштита на Загреб, екипи на полицијата, како и екипи на Итна медицинска помош и пожарникари.

На местото на несреќата дошол и хрватскиот премиер Андреј Пленковиќ, кој посочил дека повредените се згрижени и нивните животи не се во опасност.

„Сите лица се хрватски државјани“,

рече Пленковиќ.

Со тоа, ги демантираше претходните информации дека се Унгарци.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>