Напад со нож во подземна железница во Франција: Четири лица се повредени, напаѓачот е уапсен
Четири лица се повредени денеска во напад со нож во подземната железница во Лион, во источно-централниот дел на Франција, каде што е уапсен 27-годишен Мароканец, на кој му е одреден полициски притвор.
Локалното обвинителство соопшти дека повредените не се во животна опасност.
„Осомничениот од мароканска националност и 27-годишна возраст, претходно не и е познат на полицијата, но неколку пати бил хоспитализиран поради психијатриски проблеми“, соопшти полицијата.
Неименувани полициски извори за AFP изјавија дека нема елементи што би укажале дека станува збор за терористички акт.
