Силјановска бара мир во Украина: Се сретна со украинскиот, швајцарскиот и европскиот амбасадор
Претседателката Гордана Сиљановска Давкова денеска ги прими амбасадорката на Украина Лариса Дир, амбасадорката на Швајцарската Конфедерација, Вероник Улман и шефот на делегацијата на Европската Унија, амбасадорот Дејвид Гир.
На средбата Сиљановска Давкова изрази благодарност за поканата упатена од претседателката на Швајцарската Конфедерација, Виола Амхерд, за нејзино учество на Самитот за мир во Украина, што ќе се одржи на 15 и 16 јуни во Швајцарија.
Претседателката оцени дека претстојниот самит претставува добра можност за обезбедување платформа за дијалог за сеопфатен, праведен и траен мир во Украина.
Сиљановска Давкова ја реафирмираше македонската поддршка за Украина по неиспровоцираната и неоправдана воена агресија на Руската Федерација и повика на почитување на територијалниот интегритет, суверенитет и независност во Украина во меѓународно признатите граници и територијални води.
Средба со амбасадорката Дир , амбасадорката Улман и евроамбасадорот Гир во пресрет на моето учество на Самитот за мир во Украина, на 15 и 16 јуни во Швајцарија.
Добра можност за обезбедување платформа за дијалог за сеопфатен, праведен и траен мир во Украина. pic.twitter.com/mEl8tZiNqg
— Гордана Сиљановска Давкова (Gordana Siljanovska) (@gogamkd) May 27, 2024
