Бепе Марота нов претседател на Интер

Американскиот фонд Оуктри назначи нов Управен одбор на Интер, кој брои десет членови. Оуктри на 22 мај објави дека го доби Интер од кинеската компанија Сунинг. Кинесите не го вратија долгот што го имаа кон американскиот фонд.

Џузепе Марота е назначен за нов претседател на Интер, соопшти денеска новиот сопственик, пренесуваат италијанските медиуми.

Марота на местото претседател на Интер го замени Стивен Жанг, кој го водеше клубот шест години.

Giuseppe Marotta é o novo presidente do Internazionale. pic.twitter.com/W0KwTNWvw8

— Diário de Transferências (@DTransferencias) June 4, 2024

„Полн сум со емоции. Да се биде претседател на толку голем клуб во светот на фудбалот е возбудливо и инспиративно. Јас сум претседател кој ја сака својата работа, за која верувам дека добро ја знам. Сепак, јас сум во голем клуб и ќе ми треба сечија помош“, изјави Марота, пренесуваат италијанските медиуми.