Нотингем Форест го напуштија 13 играчи

Англискиот премиерлигаш Нотингем Форест објави дека 13 играчи кои минатата сезона беа дел од тимот го напуштиле клубот.

„Шумарите“ пред крајот на сезоната го спасија местото во елитниот ранг, но со комплетно реновиран тим.

Треба да се потсети дека клубот успеа да избегне испаѓање и покрај тоа што му беа одземени четири бода.

Хари Артур, Вејн Хенеси, Чеик Којате, Лои Мбе Соа, Скот Мекена и Фелипе се играчи на кои им завршија договорите, со напомена дека Фелипе ја заврши кариерата, додека останатите ќе бараат нови клубови.

Клубот го напуштија седум млади играчи: Кевин Андуини, Тони Гбопо, Итан Хал, Атиф Конате, Хенри Листер, Илајџа Морган и Тео Робинсон.

Клубот со кој раководи газадата на Олимпијакос Евангелос Маринакис им се заблагодари на сите играчи за придонесот во претходната сезона и им посака среќа во нивните понатамошни кариери.