Титмус постави нов светски рекорд на 200 метри слободно

Австралиската пливачка Аријарне Титмус денеска постави нов светски рекорд во трката на 200 метри слободно, на националните олимписки квалификации во Бризбејн.

Титмус во финалето постигна резултат од 1:52,23 минути и го собори рекордот на нејзината сонародничка Моли О’Калахан од 1:52,85, од минатогодишното Светско првенство.

О’Калахан заврши на второто место на денешната трка со време од 1:52.48.

„Светскиот рекорд е само бонус. Возбудливо е што го остварив ова во мојот роден град, ми дава голема самодоверба пред Олимпијадата“, изјави Титмус, пренесуваат австралиските медиуми.