Синот на Бајден прогласен за виновен: Нелегално поседувал оружје

Синот на претседателот на САД, Џо Бајден, Хантер Бајден, беше прогласен за виновен од поротата во Вилмингтон, Делавер, по сите три обвиненија против него за нелегално поседување на огнено оружје, објави Ројтерс.

Хантер Бајден (54), се изјасни за невин по обвиненијата.

Прекршоците на синот на претседателот носат до 25 години затвор според законот, но експертите велат дека Хантер веројатно нема да добие блиску до максималната казна бидејќи го сторил кривичното дело првпат.

Се очекува тој да биде осуден во рок од 120 дена, но сѐ уште не е одреден датум за изрекување на пресудата. Во секој случај, тоа ќе стане познато пред претседателските избори во ноември, на кои неговиот татко се бори за втор мандат.

Минатата недела Џо Бајден во телевизиско интервју изјави дека нема да го помилува својот син.