Таткото Тросар „удри“ по селекторот

По лошата игра и поразот од Словачка на стартот на Европското првенство, Белгија во второто коло ја совлада Романија релативно лесно со 2:0. Во последното коло сите репрезентации од Е групата ќе влезат со по три бода.

Победата над Романија, ја подобри атмосферата, која ја наруши изјавата на Петер Тросар, таткото на напаѓачот Леандро.

„Сите го критикуваат Леандро дека играл лошо, но селекторот постојано му ја менува позицијата. Не можете да бидете на високо ниво ако добиете погрешна улога на теренот. Немам дилема, Тедеско не е добар тренер за Белгија, иако не е толку тврдоглав како Роберто Мартинез“, изјави Тросар сениор.

Тросар одигра 36 натпревари за Белгија, од кои 12 откако селектор е Тедеско.