Јокиќ со трипл-дабл ја предводеше Србија против Германија – Србите се трети на ОИ
Кошаркарската репрезентација на Србија го освои бронзениот медал на Олимписките игри во Париз. Србија во „малото финале“ победи со 93:83 (30:21, 16:17, 25:26, 20:21) . Србите им се реваншираа на Германците за поразото во минатогодипното финале на Светското првенство во Манила.
Дуелот во „Берси“ беше еднонасочна улица од првата секунда. Србите го наметнаа својот ритам, отворија со 9:3, а четвртината ја заврши со 30:21.
До крајот на мечот Германците се обидуваа, но не успеаја да се доближат. Србите, предводени од Никола Јокиќ, лесно ја одржуваа предноста од 8 до 19 поени.
Јокиќ диригираше со играта на својот тим и се запиша во оилимписката историја. Најдобриот играч во светот мечот го заврши со 19 поени, 12 скока и 11 асистенции и со тоа стана само четвртиот играч кој забележал трипл-дабл на Олимписките игри.
Во историјата на ОИ трипл-дабл забележале Александар Белов во 1976 година, Леброн Џејмс во 2012 и 2024 година и Лука Дончиќ во 2020 година.
Покрај Јокиќ, Србија имаше уште петтмина со двоцифрен учинок: Мициќ (19 поени), Богдановиќ (16), Аврамовиќ (13), Петрушев (11), Маринковиќ (10).
Германија ја предводеше Франц Вагнер со 18 поени и девет скока.
— OvoOno (@OvoOnoX) August 10, 2024
The post Јокиќ со трипл-дабл ја предводеше Србија против Германија – Србите се трети на ОИ appeared first on info.mk.
Следете не, не има насекаде
