Пријателски и непријателски земји: Путин објави кој се “доби корпа”, а на кого му ја честитал Новата година

Путин нема да им ја честита Новата година на Бајден, Шолц и Макрон.

Рускиот претседател Владимир Путин нема да им ја честита Новата година на американскиот претседател Џо Бајден , францускиот претседател Емануел Макрон и германскиот канцелар Олаф Шолц , објави во петокот Кремљ.

„Овие колеги не ни честитаат. Всушност, ние немаме контакт со нив. А земајќи ги предвид непријателските потези што тие постојано ги преземаат, претседателот нема да им честита“ , изјави за новинарите Дмитриј Песков , портпарол на рускиот претседател.

Путин, пак, испрати новогодишна честитка на адреси на неколку светски лидери блиски до Кремљ.

Според списокот објавен од неговиот кабинет во петокот, тоа се кинескиот претседател Си Џинпинг, турскиот претседател Реџеп Таип Ердоган, сирискиот претседател Башар ал Асад, претседателот на Венецуела Николас Мадуро и индискиот премиер Нарендра Моди .

Тој, исто така, им честиташе на Силвио Берлускони и на поранешниот германски канцелар Герхард Шредер .

Владимир Путин, исто така, срдечно му честиташе на турскиот претседател Реџеп Таип Ердоган, додавајќи дека „заемно корисните односи“ меѓу двете земји се развиваат „многу динамично“, објави Кремљ.

Во соопштението, Кремљ соопшти дека Путин испратил новогодишни честитки до лидерите на Азербејџан, Ерменија, Белорусија, Казахстан, Киргистан, Таџикистан, Туркменистан, Узбекистан, Боливија, Бразил, Унгарија, Венецуела, Виетнам, Индија, Кина, Куба, Никарагва, Србија, Сирија, како и лидерите на Јужна Осетија и грузискиот регион Абхазија, од кои ниту една не е призната како суверена држава од повеќето земји-членки на ОН.

Портпаролот на Кремљ, Дмитриј Песков , им ја честиташе Новата година на новинарите.

„Како новинари, сакам да ви посакам на сите интересна година за вести, како што беше оваа, но како луѓе, сакам да помине што е можно помирно. Ќе направиме сè тоа да се случи.