Ваков начин на спиење е одобрен и од НАСА, нема ништо поздраво за циркулацијата и кичмата

Ако имате проблеми со спиењето, ако се мачите и се вртите во креветот до утро, можеби позицијата дизајнирана од научниците ќе ви помогне.

Таканаречената позиција на нулта гравитација може да ја подобри циркулацијата и да ги ублажи симптомите на рефлукс на киселина. Ова го тврди експертот за спиење Мартин Сили, кој објаснува дека позата вклучува спиење со благо кренати глава и нозе.

„Оваа положба е дизајнирана да ја симулира положбата на телото кога е во бестежинска средина, како на пример во вселената“, објасни тој.

Сили додава дека оваа позиција првично била развиена од НАСА за да им помогне на астронаутите да се прилагодат на ефектите од микрогравитацијата за време на вселенските летови, и оттогаш е прилагодена за употреба во болници и домови за стари лица.

„Прво, оваа положба помага да се намали притисокот врз ‘рбетот, што помага да се ублажат болките во грбот и другите непријатности кои можат да го попречат сонот. Второ, поставувањето на нозете над срцето може да ја подобри циркулацијата со намалување на силата на гравитацијата врз циркулаторниот систем. Ова може да го спречи отокот на нозете и стапалата и да го подобри протокот на крв во мозокот и другите витални органи“, продолжува тој.

И трето, позата може да ви помогне да ‘рчите помалку, но и да ги ублажите симптомите на рефлукс на киселина. За да создадете импровизирана положба за спиење без гравитација, препорачани се перници за поддршка на главата и нозете.