Семејно насилство секојдневно зема замав: Четири физички напади во еден ден

Надворешната канцеларија за криминалистички работи Гостивар поднесе кривична пријава против Б.Ш. (41) од Гостивар за сторено кривично дело „загрозување на сигурноста“. На 18 септември 2024 година, пријавениот физички ја нападнал својата мајка и оштетил дел од покуќнината.

Во меѓувреме, на 22 септември 2024 година, неколку пријави за физички напади беа поднесени во СВР Скопје. Во 21:30 часот, 78-годишна жена од Скопје пријавила дека околу 14:00 часот во нејзиниот дом на подрачјето на Карпош била физички нападната од својот син И.Б. (55), кој употребил и тврд предмет.

Истиот ден, во 16:45 часот, 41-годишен маж од Аеродром пријавил дека бил физички нападнат од неговата 54-годишна сестра по претходна расправија. Откако и таа пријавила сличен напад од братот, случајот продолжува со истрага.

Во 22:45 часот, 39-годишна жена од Кисела Вода пријавила физички напад од нејзиниот поранешен вонбрачен партнер, С.Н. На крајот, во 23:50 часот, Ж.П. (49) од Илинден пријавила напад од Г.Д. (50), поради нарушени семејни односи. Истиот маж, денеска во 00:40 часот, пријавил дека бил нападнат од С.П. на паркинг во Илинден.

Сите случаи се во процес на целосно документирање и подготвување на соодветни поднесоци.