Готови резултатите од тестирањата на двајца вработени во Зоолошка – познато дали има заразени со птичји грип

Направени се епидемиолошки анкети на сите 16 лица кои се доставени од список на ЗОО, соопшти ИЈЗ.

„На ден 21.10 согласно протоколите, направено е тестирање за птичји грип во Одделение за вирусологија во ИЈЗ референтна лабараторија, која е меѓународно акредитирана за дијагностика на инфлуенца грип од хумано и анимално потекло, на лице кое во епидемиолошката анкета има наведено дека 1 ден имало симптоми на покачена телесна температура.
Воедно е тестирано на ист начин и второ лице вработено во ЗОО кое не е на доставениот список од 16 луѓе вработени во ЗОО, но на ден 21.10 се пријавило во ИЈЗ со тековни симптоми“, стои во соопштението од ИЈЗ.

ИЈЗ извести дека по добиените резултати од спроведените тестирања, двете лица се негативни за птичји грип.

The post Готови резултатите од тестирањата на двајца вработени во Зоолошка – познато дали има заразени со птичји грип appeared first on 24info.mk.