Америка прва во светот одобри вакцина за заштита на пчелите

Американските власти го одобрија користењето на вакцина за пчелите, осмислена да штити од една од најтешките бактериски болести што ги уништува кошниците ширум светот.

Министерството за земјоделство на САД даде зелено светло за примена на вакцина која ќе помогне да се спречи помор на пчелите, кои играат клучна улога во опрашувањето на растенијата во екосистемот. Вакцината може да претставува голем напредок во заштитата на медоносните пчели.

Функционира така што се вметнува неактивна бактерија во храната што и се дава на матицата, чии ларви потоа стекнуваат имунитет.

Таканаречената „болест на загадена крв“ е голем проблем бидејќи е исклучително заразна и за неа нема лек. Единствениот начин да се реши тоа е да се запалат кошниците на заразените пчели и да се дадат антибиотици на околните колонии.

Вакцината содржи неактивна верзија на бактеријата paenibacillus larvae, која ја предизвикува болеста.

Бактеријата стигнува до матицата преку храна, која им го пренесува имунитетот на ларвите, со што драстично се намалува смртноста од болеста, велат од биотехнолошката компанија „Dalan Animal Health“, специјализирана за имунологија и здравје на инсекти.