Принцот Вилијам за Кејт Мидлтон: Беше неверојатна цела година, добро и оди

Принцот Вилијам изјави дека Кејт Мидлтон е „многу добро“ и дека таа и нивните деца вечерва ќе го гледаат доделувањето на неговите награди Earthshot за животната средина. Принцот од Велс и оддаде почит на својата сопруга Кејт за време на посетата на Кејп Таун, нарекувајќи ја „неверојатна“ во тешката година на лекување рак.

„Навистина многу добро и оди, благодарам. И се надевам дека ќе гледа вечерва. Ќе ме бодри толку многу. Таа беше неверојатна цела оваа година. Знам дека исклучително ќе и биде важно да го види успехот на вечерашниот настан“ рече тој.

Тој додаде дека тој и неговото семејство често зборуваат за тоа како можат да придонесат за заштита на животната средина. „Да, знаете, секое семејство се обидува да направи се што може за да и помогне на животната средина. Ги поминуваме основните работи, како рециклирање, намалување на потрошувачката на вода, исклучување на светлата кога излегуваме од дома и слични работи. Мислам дека секое семејство ги има тие разговори, се обидуваш да направиш што можеш“, рече принцот.