Холандија поразена од селекцијата преку која Македонија стигна на СП

Главните ривали на Македонија за пласман во следната фаза, Холандија и Аргентина ги загубија денешните пријателски натпревари, Холанѓаните беа поразени од Чешка, а Аргентинците доживеаа дебакл од Шпанија, Норвешка убедливо го совлада Бразил.

Норвешка е главен фаворит во нашата група на престојното Светско првенство во ракомет, момците на Кире Лазаров шансата ќе ја бараат во дуелите против Холандија и Аргентина. Сите три противници на Македонија денеска играа пријателски натпревари.

Холандија беше поразена од Чешка, тоа е селекцијата која беше последната пречка на Македонија за пласман на Светското првенство. Холанѓаните загубија со 33-30, а на полувремето имаа негатива од пет голови.