Јадете ПРЕБРЗО? Еве што се случува тогаш во организмот

Луѓето кои јадат пребрзо, земаат големи залаци и брзо голтаат, па плунката и ензимите не ја „подмачкуваат“ храната и не ја делат на помали делови пред истата да стигне до желудникот.

Кога јадеме пребрзо, исто така голтаме многу воздух, а тоа може да предизвика гасови и надуеност.

Но, последици од брзо јадење може да бидат чувство на голема непријатност, проблеми со варењето на храната, па дури и рефлукс. Дигестијата почнува уште во устата и кога јадеме пребрзо храната не стигнува да се разложи на поситни делови. Затоа е добро убаво да се изџвака.

Уште еден проблем на пребрзото јадење е што може да предизвика дебелина. Кога ќе внесеме доволно храна, желудникот му сигнализира на мозокот да престанеме со јадење, но ако јадете пребрзо ќе ги пропушти тие сигнали.

Мозокот ќе нема доволно време да ги прими сигналите за да престанете со внесување храна.