(Видео) „Шумарите“ го декласираа Брајтон, хет-трик на Вуд

Нотингем Форест експресно се рехабилитира од дебаклот (5:0) кај Бортнмут во минатото коло. „Шумарите“, во првиот меч од 24.рунда во Премиер лигата, го декласираа Брајтон. Во победата 7:0, Крис Вуд постигна хет-трик, Ентони Еланга забележа три асистенции, а Морган Гибс-Вајт постигна гол, забележа асистенција и избори пенал.

Нотингем Форест за 30 минути го декласира Брајтон. „Шумарите“ ја забележаа 14. победа во сезоната, благодарение на напаѓачот од Нов Зеланд, Крис Вуд, кој во 34. година од животот ја игра најдбрата сезона во кариерата.

Вуд во 24. рунди постигна 17 гола. На листата најдобри стрелци се изедначи со Александер Исак од Њукасл. На првите две места се Ерминг Халанд (18) и Мохамед Салах (19).

Дека на Брајтон лошо му се пишува го најави авто голот на капитенот Данк во 12.минута. Гибс-Вајт го зголеми водството во 25., а Вуд го постигна првиот од трите гола во 32.минута.

Во второто полувреме Вуд го комплетира хет-трикот со головите во 64. и 70.минута. Во финишот на натпреварот уште два гола Вилијамс во 89.минута и Жота во 91.минута.