Песков: Не постои можност руските војници да ја напуштат Украина до крајот на годината

„Украина треба да ги прифати реалностите што се оформуваат подолг временски период. Овие факти покажуваат дека нови региони ѝ се приклучија на Русија. Не е можно да се постигне напредок во процесот на решавање без да се земат предвид овие факти“.

Портпаролот на Кремљ, Дмитриј Песков, изјави дека не постои можност руските трупи да ја напуштат Украина до крајот на годинава.

Песков за новинарите го коментираше повикот на украинскиот претседател, Владимир Зеленски, Русија да ги повлече своите трупи од територијата на Украина до Нова година.

Нагласувајќи дека Русија нема да се повлече од Украина до Нова година, Песков рече:

„Тоа не доаѓа предвид.“

Оценувајќи дека Украина треба да ги прифати „реалностите“ за мировни преговори, Песков додаде:

„Украинската страна треба да ги прифати реалностите што се оформуваат во подолг временски период. Овие факти покажуваат дека нови региони ѝ се приклучија на Русија. Не е можно да се постигне напредок во процесот на решавање без да се земат предвид овие факти.“

На прашањето дали до крајот на годинава ќе се одржи нова средба меѓу рускиот претседател Владимир Путин и кинескиот претседател Си Ѓинпинг, Песков одговори дека двајцата лидери се во постојан контакт.

„Навистина се подготвуваме да ги продолжиме овие контакти. Ќе ве информираме кога и како ќе се случи тоа“, рече Песков.

Следете не, не има насекаде