„Како народ паднавме на акциите на странските служби, тие не уништија! Цел свет ни се смее поради литиумот“

Мора да разберете дека има земји кои не сакаат Србија да зајакне“, рече српскиот претседател.

Претседателот на Република Србија, Александар Вучиќ , во неделата за време на гостувањето во програмата Ново јутро на телевизијата Пинк изјави дека Србија направила грешка кога го напуштила ископот на литиум и дека „рекорден број на странски шпиони“ се во Белград од крајот на декември и почетокот на јануари.

Повикувајќи се на разузнавачките информации што ги добил од надлежните служби, Вучиќ рече дека Белград за Нова година бил како „Казабланка“.

– Никогаш не било така, постигнавме рекорд, толкав број на шпиони од 20 декември до 5 јануари во Белград не е евидентиран од Втората светска војна – рече српскиот претседател.

– Очигледно е дека многу луѓе подготвуваа секакви работи, но добри. Знаете, странските служби си ја вршат работата, така не уништија со литиум. Јас сум единствениот кој може да зборува за тоа. Странските служби директно не уништија – додаде Вучиќ.

 Цел свет ни се смее поради литиумот. Мора да разберете дека има земји кои не сакаат Србија да зајакне. Некои од земјите и субјектите во регионот сакаат да и се случи нешто лошо на Србија, за да не отскокнуваме – тврди српскиот претседател.

Погледнете што беше направено до и по Берлинскиот конгрес. Конкретно, две западни сили застанаа на страната на нашите противници. И кога имате литиум, се враќате назад. (Премиерката на Србија, Ана Брнабиќ ) ми вели дека луѓето ѝ честитаат низ целиот свет, а јас не можам да им кажам дека ние не ископуваме литиум – рече Вучиќ.

– Како народ паднавме на акциите на странските служби, тоа беше напад на Србија, каде што многумина мислеа дека ја бранат Србија, но ние ја оттурнавме – додаде Вучиќ.

Српскиот претседател рече дека не ја разбира силата на тој напад и дека Србија изгубила многу време.

– За среќа имаме стабилни финансии. Оваа зима ќе помине добро. Следниот ќе биде многу потежок. Не само за нас, туку и за цела Европа. Луѓето оваа година не ја ни почувствуваа кризата. Ја гледам состојбата за државата, тешко е за државата. Луѓето не треба да се борат. Што им е гајле за нашиот јавен долг? Германците имаат 70 проценти. Хрватите имаат 80 отсто, а ние имаме 56 отсто. Ќе ни биде многу тешко. Очекувам големи проблеми околу Косово и Метохија и санкции против Русија. Тоа е меч со две острици – заклучи Вучиќ.