Најтоплото место во Лапонија е рачно исклесан хотел од лед,секоја зима изграден од почеток

Хотелот во Јукасјарви има и популарен леден бар каде пијалоците се служат во уникатни чаши издлабени од мраз.

Посетата на ледениот хотел беше совршен шлаг за крај на дводневната авантура во Лапонија . Оној во Јукасјарви , каде што бевме, постои од 1989 година и е најстар во светот. Рачно е издлабен на површина од 2.100 квадратни метри од масивни блокови мраз извлечени од реката Торна , а уметниците секоја зима градат нова верзија на ова арктичко чудо. Имено, хотелот се топи во пролетта и се „враќа“ во природата, па секоја претстојна зима носи уникатна, нова верзија на ледениот хотел.

Во него можете да спиете и – покрај стандардните ледени соби опремени со украси и кревети направени од мраз, има и елегантни уметнички апартмани дизајнирани од уметници од целиот свет. Моменталната цена за ноќевање на Booking е 122 евра.

Хотелот има и популарен Ice Bar каде пијалоците се служат во уникатни чаши издлабени од мраз. Температурата во хотелот Леден е околу минус пет степени Целзиусови – можеби звучи лудо, но среде зима на крајниот север, ова дефинитивно го прави „најтоплото“ место во шведска Лапонија!

Погледнете ги магичните фотографии од внатрешноста на ова неверојатно ледено чудо!