Неговиот гроб го ископал со голи раце: Болното сеќавање на принцот Хари за спонтан абортус на Меган Маркл

Меѓу многуте детали за неговиот живот, принцот Хари во својата книга напиша и за еден од најтешките моменти што ги доживеал

Принцот Хари сподели многу детали за животот во британското кралско семејство во својата автобиографија „Spare“. Сепак, најтрогателниот детал во овие мемоари нема никаква врска со односот што го имале кралот Чарлс, кралицата Камила и принцот Вилијам со него неговата сопруга.

Делот поврзан со спонтаниот абортус што Меган Маркл, сопругата на Хари и војвотката од Сасекс го доживеа во јули 2020 година, е особено емотивен и болен.

Во ноември истата година, Меган објави дека таа и Хари го изгубиле своето бебе откако се преселиле во Америка, за што размислувале во нивната документарна серија „Меган и Хари“, а сега принцот сподели болно сеќавање.

На крајот на едно од поглавјата блиску до крајот на автобиографијата, принцот Хари откри дека Меган имала симптоми на спонтан абортус првото утро што го поминале во нивниот нов дом. Таа, напиша тој, имала „стомачни болки“ и крварела пред да падне на подот, по што итно ја однеле во локална болница.

Кога докторката влезе во собата, не слушнав ниту еден збор што таа го кажа, само го гледав нејзиното лице, нејзиниот говор на телото. Веќе знаев. И двајцата знаевме – пишува принцот Хари.

Рекол дека тој и Меган се прегрнале, дека и двајцата плачеле и дека се чувствувал безнадежно по излегувањето од болница.

Принцот рече дека така се чувствувал само уште три пати во животот: кога бегаше од папараците во автомобил со својот брат и мајка му, кога леташе со хеликоптер над Авганистан и кога Меган „планира да си го одземе животот“ додека живееле во Нотингем Котиџ во Англија.

Како што напиша Хари, тој и неговата сопруга ја напуштиле болницата „носејќи мал пакет“ и отпатувале до нивното „тајно место“. Потоа ги закопал посмртните останки на бебето под дрвото банијан на место за кое знае само Меган и тој.

Под разгрането банијан дрво, додека Меган плачеше, со голи раце ископав дупка и нежно го ставив ситниот пакет во земја – пишува Хари.

И принцот и неговата сопруга добија многу пофалби во изминатите две години за отворено зборување за нивното трагично и трауматично искуство со губењето на своето бебе.