Индустриското производство во Германија падна за 0,4 отсто

Индустриското производство во Германија падна за 0,4 отсто во ноември 2022 година на годишна основа, покажуваат податоците објавени денеска од федералната статистичка агенција на земјата.

Овој пад уследи по падот на индустриското производство од 0,2 отсто во октомври на годишна основа, објави Дестатис, пишува Анадолија.

Индустриското производство во ноември забележа раст од 0,2 отсто на месечно ниво.

Производството на суровини е зголемено за 1,1 отсто, а на капитални производи за 0,7 отсто, се вели во соопштението на Дестатис.

Во меѓувреме, производството на стоки за широка потрошувачка падна за 1,5 отсто.