Руските ракети влеваат страв: Германците објаснија зошто ,,Циркон” е неуништлив за противвоздушната одбрана

Руските хиперсонични ракети ,,Циркон” предизвикуваат страв кај западните воени експерти, пишува Јан-Фредерик Венд во напис за германскиот дневен весник Frankfurter Rundschau.

„За западните воени стратези хиперсоничните ракети се ноќна мора. За разлика од другите ракетни системи, ракетите сè уште може да се контролираат дури и откако ќе бидат истрелани. Оваа комбинација на маневрирање и брзина ги прави практично неповредливи за противвоздушните системи“, се вели во публикацијата.

Авторот забележува дека експертите стравуваат од продолжување на трката во вооружување.

Во 2017 година, Русија стана првата земја што додаде хиперсонично оружје во својот арсенал. Сега Кина и Соединетите Држави работат на слични системи за оружје, се вели во извештајот.

,,Циркон” е првата хиперсонична крстосувачка ракета во светот способна за континуиран аеродинамичен лет со атмосферско маневрирање напојуван од сопствен мотор.