Бомбаш самоубиец ,,се крена во ваздух” пред зградата на МНР во Кабул: Има мртви

Неколку лица загинаа денеска во терористички напад на бомбаш самоубиец пред зградата на Министерството за надворешни работи на Авганистан во центарот на Кабул, јавува Ал Џезира повикувајќи се на извор од талибанската влада.

Амадула Мутаки рече дека бомбашот се обидел да влезе во зградата на МНР.

– ,,Моментално сум во зградата на Министерството за надворешни работи. Бомбашот самоубиец се обидел да влезе, но бил спречен од обезбедувањето на влезот, но потоа ,,се кренал во ваздух” – напиша Мутаки на Твитер.

И портпаролот на полицијата во Кабул потврди дека има жртви, пренесува Ројтерс.