Новак Ѓоковиќ остана шести на најновата АТП листа

Српскиот тенисер Новак Ѓоковиќ остана шести на најновата АТП листа објавена денес, додека победникот на Вимблдон Јаник Синер дополнително ја зацврсти својата позиција на врвот на листата. Ѓоковиќ изгуби 500 поени бидејќи не го одбрани минатогодишното финале, па сега има 4.130 поени, пренесува Танјуг.

Првопласираниот Синер достигна нови 1.600 поени, што дополнително ја зголеми неговата предност на врвот, бидејќи Италијанецот сега има 12.030 поени. Второпласираниот Шпанец Карлос Алкараз остана без 700 поени бидејќи не ја одбрани титулата во Лондон, па е втор со 8.600 поени.