На натпревар на ветерани почина поранешен капитен на Црвена звезда

Поранешниот фудбалер на Црвена звезда, Дејан Миловановиќ, почина на 42-годишна возраст за време на натпреварот на ветерани помеѓу Звездара и ПКБ.

Миловановиќ се падна на тревата за време на натпреварот помеѓу ветераните ФК на Црвенз звезда и ПКБ, екипата за итни случаи пристигна релативно брзо и го реанимираше на лице место, а потоа беше пренесен во болница.

Миловановиќ постигна гол во 7-та минута од гореспоменатиот натпревар, кој започна вечерва во 18 часот. Малку подоцна, кога требаше да изведе корнер, ја изгуби свеста и се струполи на тревата. Лекарите се бореа за неговиот живот, но срцето престана да чука.

Дејан е син на легендарниот фудбалер на Звезда, Ѓорѓе Миловановиќ, почнал да тренира во младинската школа на Црвена звезда ги поминал сите селекции, повеќето од нив како капитен, а во првиот тим бил промовиран во 2001 година.

Ќе биде запаметен како капитен на Црвена звезда, за која одигра 230 натпревари и постигна 48 гола. Играше за црвено-белиот тим во два мандата. Од 2001 до 2008 година и од 2010 до 2011 година. Тој играше и за Ланс, Паниониос и Вождовац, а кариерата ја заврши во 2014 година.

Дресот на српската репрезентација го носеше двапати, на пријателски натпревари против Германија и Украина во 2008 година.