(Фото) Трендовски маникир што мора да го пробате оваа есен

По лето полно со светли нијанси, време е да додадете нежни кафени тонови во вашата колекција лакови за нокти и да им дозволите на потемните бои да заблескаат.

Прва се појави лате шминката, која стана вирална на Тик-ток и собра над 220 милиони прегледи во последните неколку недели.

Таквата шминка подразбира користење топли кафени тонови како карамела и какао на нашите очи, јаболчници и усни за заводлив ефект кој е подеднакво погоден за сончевото летно време и топлата есенска клима на сезоната. Накратко, тоа е совршена идеја за нашиот транзициски изглед на шминка.

Следно се лате ноктите, кои го носат трендот во чоколадни тонови еден чекор понатаму.

Топлите лате тонови зрачат со чувство на удобност и елеганција, додека совршено го надополнуваат секој есенски изглед.

фото: принтскрин