Застрашувачко видео кое ја прикажува авионска несреќа во Непал (ВИДЕО)

Авион на „Јети ерлајнс“ летал од Катманду кон Покара и се урнал при слетувањето при што се запалил.

Најмалку 40 лица загинаа во авионската несреќа во Непал што се случи утринава. Авион со 72 лица се урна на аеродромот Похара во централниот дел на Непал. Авион на „Јети ерлајнс“ летал од Катманду кон Покара и се урнал при слетувањето при што се запалил.

На социјалните мрежи почнаа да се шират снимки кои наводно го покажуваат моментот на падот на авионот. Ве молиме имајте предвид, дека ова не е официјална потврда дека навистина се работи за авионот.

На видеото може да се види како авионот нагло врти при низок лет, а кон крајот на видеото за малку ќе се превртеше наопаку. Кон крајот на снимката се слушаат вресоци.

Државната телевизија на Хималаите покажа црн чад како извира од местото на несреќата и спасувачките екипи околу урнатините. Авионските несреќи не се непознати во Непал, дом на осум од 14-те највисоки планини во светот, вклучувајќи го Еверест, бидејќи времето во земјата може нагло да се промени и да создаде опасни услови за летање.