„Билд“: „Рајнметал“ може да и испорача обновени тенкови „Леопард 2“ на Украина најрано идната година

– Германскиот производител на оружје „Рајнметал“ би можел да и испорача на Украина обновени борбени тенкови „Леопард 2“ најрано во 2024 година, изјави денеска извршниот директор на таа фабрика.

Тој за „Билд“ изјави дека поправката на тенковите чинела неколку стотици милиони евра и дека возилата мора целосно да се демонтираат и повторно да се склопат.

Германија после САД испрати најголема воена помош за Украина.

Германија претходно овој месец најави дека ќе испрати пешадиски борбени возила „Мардер“ во Украина, а Киев побара и испорака на потешки тенкови, како што е „Леопард“.