Рецепт за печени палачинки со сирење и спанаќ
Маникоти е популарно јадење од италијанско-американско потекло. Рецептот има две верзии: готови тестенини кои се полнат со сочни филови или мали палачинки кои се полнети со сирење и спанаќ и се печат во рерна. Денес ви споделуваме рецепт за втората варијанта.
Потребни состојки:
За палачинки:
6 големи јајца
375 милилитри вода
150 грама брашно
прстофат сол
растително масло за печење
Состојки за фил:
750 милилитри доматен сос
675 грама рикота сирење
600 грама замрзнат сечкан спанаќ
225 грама рендана моцарела
30 грама рендан пармезан
2 жолчки
сол и бибер по вкус
Начин на подготовка:
1.Подгответе ги палачинките: изматете ги јајцата во миксер со голема брзина. Намалете ја брзината и постепено измешајте ги брашното, солта и водата. Мешајте додека не добиете еднолична смеса без грутки. Покријте ја смесата со крпа и оставете ја да отстои два часа.
2.Во тавче загрејте малку масло и на вообичаен начин испржете ги палачинките. Користете две лажици смеса за секоја палачинка.
3.Направете го филот: исцедете го вишокот вода од одмрзнатиот спанаќ и измешајте го во поголем сад со рикотата, ренданата моцарела и ренданиот пармезан. Измешајте ги жолчките и зачинете со сол и бибер.
