Победа над Ј. Кореја за крај, Македонија го освои 27. место на СП!
Македонија ќе важи како 27. репрезентација на светот во следните две години, откако денеска, во последниот меч за пласман на ракометниот Мундијал, ја совлада Јужна Кореја со 36-33.
И ова не излезе лесна задача, како што информира и резултатот, иако не личеше така добри 20-тина минути, па и нешто повеќе. Македонија наметна стил, одигра солидна одбрана и главно од контри почна да гради предност од почетокот на средбата. Кога поведовме со 8-4 во деветтата минута, тоа беше повод за прв тајм-аут за Роландо Коста де Фреиташ, португалскиот селектор на Корејците.
