(Видео) Мара и Милун од Црна Гора градот го заменија со село: молзат крави, чуваат овци и сакаат планина повеќе од море

Мара и Милун Апрчовиќ од Црна Гора животот во град го замениле со живот на село. Таа и нејзиниот сопруг имаат куќа во близина на Плужине во Црна Гора, во селото Равно кое се наоѓа на надморска виочина од околу 1500 метри.

Освен со земјоделство тие имаат и сточарска фарма. Во најтешкиот период од зимата од планината се спуштаат до селото, а тоа е кога овците се јагнат, бидејќи на пониско е потопло.

Инаку, најмногу им се допаѓа кога се во штала каде што чуваат околу 150 овци, 8 кози, 10 крави и неколку телиња.

Мара се омажила многу млада. Кај родителите никогаш не работела тоа што сега го прави во штала со Милун, но вели дека ништо не и е тешко и дека го сака селото. Во меѓувреме ги совладала речиси сите работи, а се што знае тоа го научила од свекрвата. Мара е од едно од соседните села, но кај нејзините родители чувале само овци.

Таа во интервју раскажува дека сака музика и ја слуша на мобилен телефон, а навечер слуша радио заедно со сопругот. Немаат во што да го приклучат телевизорот и не им треба затоа што немаат време ни да го гледаат. Мара вели дека повеќе ги молзи кравите и има други задолженија.

Мара е една од ретките девојки во денешно време кои решиле да живеат напорно и да работат на село, но вели дека таму и се допаѓа. Тие двајца се редок млад брачен пар кој живее на село.

Милун и Мара велат дека понекогаш одат во град, кога имаат помалку работа, да се прошетаат, но сепак најмногу го сакаат своето село бидејќи се навикнале и таму им се допаѓа.