Јадете ги што почесто: Научниците тврдат дека овие видови овошје најмногу поттикнуваат слабеење

Овошјето е познато по својот природно сладок вкус и силните бои, а исто така важи за храна богата со хранливи материи.

Всушност, некои од нутриентите кои луѓето најчесто премалку ги консумираат, како калиум и витамин Ц, можат да се пронајдат во многу различни овошја. Овошјето исто така содржи фолати и влакна, како и широк спектар на антиоксиданти и соединенија кои имаат позитивни здравствени својства, пренесува „Eat This“.
Преполно со хранливи материи кои го поттикнуваат здравјето, овошјето е храна која треба да ја јадеме што почесто. Центарот за контрола и превенција на болести (ЦДЦ) дури тврди дека исхраната богата со овошје и зеленчук може да помогне во намалување на ризикот од многу водечки причини за болести и смрт во САД, вклучувајќи срцеви заболувања, дијабетес тип 2, некои видови на рак и дебелина.
Кога станува збор за помош при слабеењето, влакната се хранлива материја во овошјето која може да помогне при губењето на вишокот килограми. Во споредба со многу други извори на овие хранливи материи, како што се јаткастите плодови, интегралните житарки и мешунките, овошјето бара малку или никаква подготовка и може да ја задоволи желбата за слатко без додаден шеќер.

Како што објаснуваат експертите, ова е овошјето кое најмногу придонесува за слабеење:
-банана
-грејпфрут
-ананас
-авокадо
-бобинки
-праска
-лимон
-лубеница
-киви
-папаја