Како проја и уште помеко: Латиноамериканско печиво готово за миг
Доколку сте љубители на проја, ова неодоливо печиво со потекло од Латинска Америка ќе ви стане омилен појадок!
Алмохабана е вид пченкарен леб кој се прави со многу сирење, обично куахада, сирење од овчо млеко, но може да користите било какво.
Рецептите варираат од земја до земја, а во Колумбија најчесто се подготвува со претходно зготвено пченкарно брашно, додека во Порторико и Шпанија веројатно ќе ви се сервира слатка варијанта на алмохабана.
Колку е популарно ова пченкарно печиво покажува и фактот што секој октомври во порториканскиот град Ларес се одржува фестивалот Алмохабан.
Состојки:
1 ¼ шолја претходно варено пченкарно брашно;3 чаши урда;1 чаша рендана моцарела;2 лажици путер;1 лажичка прашок за печиво;¼ лажичка сол;4 супени лажици полномасно млеко;2 јајца.
Подготовка:
Загрејте ја рерната на 200 степени.
Пченкарното брашно и кашкавалот измешајте ги, ставете ги во блендер додека убаво не се соединат.
Потоа додадете ги јајцата, путерот, прашокот за печиво, млекото и солта и сè убаво измешајте додека не добиете хомогена смеса. Поделете на осум парчиња со еднаква големина и обликувајте топчиња. Се редат во плех кој е претходно подмачкан или обложен со хартија за печење.
Печете околу половина час. Послужете ги топли со јогурт или кисело млеко.
На здравје!
