Јаткаст плод кој е често занемарен, а може да спречи појава на рак и срцеви болести

Многу истражувања покажуваат дека редовната консумација на јаткасти плодови има бројни бенефити по нашето здравје.

Но, една намирница сè уште неправедно се занемарува, а станува збор за пињолите. Пињолите се всушност јадливи семиња кои потекнуваат од различни видови бор. Ако се консумираат умерено, можат да имаат многу добробити по здравјето, пренесува „WebMD“.
Како што објаснуваат диететичарите, овие јаткасти плодови се богати со хранливи материи кои се важни за здравјето, како витамини, минерали и маснотии. Иако се богати со масти, во себе содржат минимална количина на заситени масти, а токму рамнотежата на здрави маснотии, протеини и влакна во порција пињоли е важна за одржување на стабилното ниво на шеќер во крвта, намалување на ризикот од дијабетес и зачувување на здравјето на срцето.
Кога зборуваме за здравствените придобивки од овие вкусни плодови, истражувањата покажуваат дека пињолите можат да го зголемат нивото на енергија поради протеините, железото и магнезиумот кој го содржат.

Антиоксидантната моќ на витаминот Е исто така може да помогне во зачувување на здравјето на кожата и младешкиот изглед.
Освен тоа, редовната консумација на пињоли или други семки и јаткасти плодови може да помогне во намалување на ризикот од дијабетес и срцеви болести.

Пињолите можат да нѝ пружат бројни здравствени предности како:

намалување на ризикот од рак на желудникнамалување на ризикот од дијабетесзачувување на здравјето на срцето и крвните садовиублажување на симптомите предизвикани од воспалителни нарушувања како ревматоиден артритисодржување на здрава телесна тежинапродолжување на чувството на ситост