Спасовски: Никогаш да не се заборави, изминаа 6 години од организираниот напад врз македонското Собрание !!!!

Статус на министерот за внатрешни работи Оливер Спасовски.

Точно 6 години од организираниот напад врз македонското Собранието на 27 април 2017 – кулминација на двегодишната политичка криза, луѓе маскирани, со качулки на глава извршуваат напад на институциите и напад на пратеници, поттикнати од лажниот патриотизам на ВМРО-ДПМНЕ.

Целта беше со напад на демократското и уставното уредување да се земе власта и по цена на живот.

Затоа, апсолутно сум против амнестија на сите осудени од 27 април, предлозите коишто ДПМНЕ ги поднесува изминатиов период.

Како одговорни политичари треба да имаме договор околу националните интереси, а не околу криминалот!

Денес зборуваме за МВР за граѓаните, за реформирана и европска полиција, за полициски службеници кои пожртвувано се вложуваат за безбедноста на сите граѓани, наспроти тоа време одбележано со невидена полициска бруталност и организирано полициско делување и агресија против интересите на граѓаните, против интересите на државата.

Заврши времето кога граѓанинот се плаши од полицијата, денес полицијата е партнер на граѓаните!

Денес Република Македонија е најбезбедна земја на Западен Балкан, според Глобалниот индекс на мир, во друштво на 36 најбезбедни земји во светот. Јасна е разликата!

Горд сум што како застапници на идеите за слобода и демократија, и по цена на сопствениот живот, успеавме да ја одробиме државата, да ја вратиме на прав пат, во евроатлантските структури таму каде што припаѓаме, како држава на сите граѓани!

Никогаш да не се заборави!, нашиша на својот Фејсбук профил министерот Оливер Спасовски.

The post Спасовски: Никогаш да не се заборави, изминаа 6 години од организираниот напад врз македонското Собрание !!!! appeared first on Шило Магазин.