Почина хрватскиот пејач Јасмин Ставрос по неколкумесечно боледување од рак на коските

Почина хрватскиот пејач Јасмин Ставрос по неколкумесечна борба со тешка болест.

Пејачот изминативе неколку месеци се бореше со тешка болест, а на почетокот на март на новинарите им потврди дека има рак на коските. Неколку дена подоцна потврдил дека лекарите се сомневале и на рак на желудникот.

„Сега имам ужасни болки, ме боли грбот. Одам на зрачење и тие зрачења се многу болни, морам да легнам и потоа да контактираат со моите нерви и страшно е болно, но ги поднесувам тие десет минути. Болеста почна кога некаде во првиот месец имав стомачни болки и потоа добив дуоденален улкус, итно ме оперираа во Карловац, па добив сепса и потоа ме префрлија на одделението во Карловац. Бев таму околу 12-13 дена и дојдов дома и утредента во Виноградска затоа што не ги поднесував болките, а не знаеја што ми е“, изјавил во таа прилика за ИН Магазин.

Пејачот пред две недели бил префрлен во Јордановац, откако состојбата му се искомплицирала.

Оваа вест потоа ја потврдил и лекарот Федор Шантек, специјалист по радиотерапија и онкологија од болницата „Ребро“ во Загреб, каде пејачот примил терапија со зрачење.

„Точно е дека пациентот е префрлен во Јордановац поради компликации. Не можам да кажам за какви компликации станува збор“, изјавил во таа прилика Шантек.