Како настана безвременскиот музички хит „Џабе живиш у Скопје“?

Песната „Џабе живиш у Скопје“, која ја пее Зоран Рудан-Цеки, по инспирација на истоимената книга на Зоран Спасов-Ѕоф, за кратко време стана безвременски музички хит.

Уште на прво пуштање по радиостаниците, песната е на прво место на домашните топ листи. Интересно е што прв пат книга е инспирација за создавање на песна која стана хит на многу скопски генерации.

„Ова е песна со јазикот кој сега не го разбираат младите Скопјани, а тоа е јазикот на нивните родители и предци. Во неа има чувства кои се изумрени или се во изумирање. Но, песната допира до сите за кој Скопје е нивната приказна“, вели авторот на книгата, Ѕоф, по која настана и хитот „Џабе живиш у Скопје“.