Сопственикот на социјалната мрежа Х, порано позната како Твитер, Илон Маск изјави дека планира да наплати претплата за користење X на сите корисници, со цел да се бори со ботови.


Оваа идеја Маск ја изнесе за време на опсежен разговор со израелскиот премиер Бенјамин Нетанјаху.

„Се движиме кон мала месечна исплата за користење на системот Х“, му рекол Маск на Нетанјаху, според Variety.

Маск не кажа колку ќе ги чини корисниците на социјалната мрежа новиот план за претплата, ниту кои други функции ќе бидат вклучени во плаќањето. Тој посочи дека тоа ќе биде мала претплата.

In a livestream, Elon Musk says X is moving toward a “small” monthly subscription for all users, as it’s the “only way” to combat “vast armies of bots” (@lorakolodny / CNBC)https://t.co/RCtZzzLcaC

Subscribe: https://t.co/OyWeKSRpIMhttps://t.co/KrXBbMXVzr

— Techmeme (@Techmeme) September 18, 2023

Тој ја објасни својата идеја како најефективниот начин за борба против системот на бот. Тој рече дека тоа што секоја корисничка сметка бара одредена сума пари ќе го намали интересот на оние кои формираат такви групи на луѓе. Тој, исто така, вели дека ќе биде покомплицирано за бот компаниите бидејќи тешко ќе најдат голем број различни банкарски картички кои ќе бидат потребни за плаќање.

Во моментов, X наплаќа само за сината верификувана значка, која Маск ја воведе кога ја презеде компанијата и таа претплата чини осум долари. Потврдените корисници имаат повеќе бенефиции од обичните корисници, а неодамна имаат и опција да ја сокријат својата верификација.

Извештаите исто така укажуваат дека во компанијата се зборувало за наплата на секој што сака да има сметка на социјалната мрежа да користи X.