СТРАШНИ СЦЕНИ НА СЕВЕР ОД ИЗРАЕЛ: Хезболах истрела проектил кон колона возила, границата затворена, ИД веднаш ги крена авионите (ВИДЕО)

Проектил истрелан од Хезболах погоди конвој возила во северниот дел на Израел во неделата.

Најмалку шест цивили се ранети, а еден е во критична состојба, соопшти ИД, а пренесуваат локалните медиуми.

СТРАШНИ СЦЕНИ НА СЕВЕР ОД ИЗРАЕЛ: Хезболах истрела проектил кон колона возила, границата затворена, ИД веднаш ги крена авионите (ВИДЕО)
МОЌЕН ГЕНЕРАЛ БАРА ОД ЗАЛУЖНИ ДА СЕ КАНДИРА ЗА ПРЕТСЕДАТЕЛ: Марченко јавно му сврте грб на Зеленски СЕ ЗГОЛЕМУВААТ ТЕНЗИИТЕ ВО УКРАИНА
Новороденче почина од сепса на Детската клиника во Скопје
Албанија ќе ја доживее македонската судбина? Грција најавува вето за старт на преговорите
Поранешниот хрватски министер за одбрана не се сеќава на сообраќајната несреќа во која усмрти човек

Ракетата погоди неколку возила во близина на северната заедница Довев во близина на границата со Либан. Според медиумите, дел од повредените се вработени во израелската корпорација за електрична енергија кои тргнале да ги поправаат далноводите оштетени во претходниот пожар од Либан.

Службата за итни случаи на Маген Дејвид Адом соопшти дека еден од цивилите повредени во нападот е во критична состојба. Медицинскиот центар Жив во Сафед соопшти дека примил две повредени лица, едното е во тешка состојба, а другото полесно.

Хезболах ја презеде одговорноста за нападот, меѓутоа, либанската милитантна група тврди дека наведувана противтенковска ракета погодила конвој возила со членови на ИД кои требало да инсталираат опрема за надзор.

Израелските одбранбени сили соопштија дека нивните воени авиони нападнале голем број локации на Хезболах во јужен Либан како одговор на ракетните напади на границата. ИД наведува и дека е погодена ќелијата на Хезболах зад ракетниот напад врз цивили во близина на северната заедница Довев.

Беа погодени уште две ќелии кои пукаа со минофрлачи од Либан во областа во близина на заедниците Менара и Џирон – соопшти ИД.

Војската не објави информации за потенцијални жртви во тие напади.

Според ИД, минофрлачки оган бил истрелан и врз воена база на границата, а нема повредени.

(Kurir.rs/Times of Israel)