Русија е подготвена да продолжи со снабдувањето на Европа со гас

Европскиот пазар останува релевантен, бидејќи недостигот на гас се уште постои, а имаме опции за продолжување на снабдувањето, велат од Кремљ.

Москва е подготвена да го врати снабдувањето со гас во Европа преку гасоводот Јамал-Европа, изјави рускиот вицепремиер Александар Новак за државната новинска агенција ТАСС.

„Европскиот пазар останува актуелен, бидејќи недостигот на гас се уште постои, а ние ги имаме сите можности да продолжиме со снабдувањето“, вели Новак во текстот што го објави руската агенција ТАСС.

„На пример, гасоводот Јамал-Европа, кој беше запрен од политички причини, останува неискористен.

Гасоводот Јамал-Европа вообичаено тече на запад, но неговиот правец во голема мера е обратен од декември 2021 година, бидејќи Полска се откажа од купувањето од Русија во корист на пумпање гас складиран во Германија, пишува Ројтерс.

Варшава го раскина договорот со Русија во мај, откако претходно го одби барањето на Москва да плати во рубљи.

Рускиот снабдувач Газпром одговори со намалување на испораките. Тој, исто така, рече дека повеќе нема да може да извезува гас преку Полска, откако Москва воведе санкции за компанијата која е сопственик на полскиот дел од гасоводот Јамал-Европа.

Нови пазари

Новак, исто така, повтори дека Москва разговара за дополнителни испораки на гас преку Турција, откако таму ќе се создаде центар, пренесува Хина.

Тој, исто така, рече дека Москва очекува да испорача 21 милијарда кубни метри (bcm) течен природен гас (LNG) во Европа во 2022 година.

„Оваа година успеавме значително да ја зголемиме испораката на ЛНГ во Европа“, додаде Новак.

„Во 11 месеци од 2022 година, испораките се зголемија на 19,4 bcm, до крајот на годината се очекуваат 21 bcm.

Во долго интервју, чии делови беа објавени во текот на викендот, Новак рече дека Русија се договорила со Азербејџан да ги зголеми испораките на гас за нејзината домашна потрошувачка.

„Во иднина, кога ќе го зголемат производството на гас, ќе можеме да зборуваме за замена“, рече тој.

Москва, додаде тој, исто така разговара за снабдување повеќе од својот гас за Казахстан и Узбекистан.

Новак рече дека Русија долгорочно може да го испраќа својот природен гас на пазарите во Авганистан и Пакистан, или користејќи ја инфраструктурата на Централна Азија, или во замена од територијата на Иран.